Skincare routine -روتين العناية بالبشرة-

2- روتين عنايتي ببشرتي 

بعد ماعرفت نوعية بشرتي انا محتاجة الحين لثلاثة اشياء مهمة :

التنظيف -التقشير - الترطيب 

بعضهم ماتؤمن بهالشي او ماعندها وقت وتهمل ببشرتها والاهمال طبعاً  سبب كل مشاكل البشرة 

التنظيف : 

يعني استخدم غسول او صابون مخصص لبشرتي

 فيه اشياء تنظف البشرة بس ماتغني طبعا عن الغسول 

زي مزيلات الميك أب -الحليب - الاسكينول - لصقات الروؤوس السوداء

 وغيرها من منتجات التنظيف

طريقتهم :

الحليب -خذي ملعقة حليب بودرة وخلطيها بموية وبللي القطنة بالحليب ومسحي وجهك واستمتعي باالشدّ والنظافة 

الاسكينول -بالقطنة ونمرر على الوجه والرقبة 

- أهم خطوات تنظيف البشرة برضو :

الغسول ضروري استخدم غسول مناسب لبشرتي وبعد الغسول استخدم :

تونر وانا افضل استبداله بموية الورد 

فايدة التونر للوجه ؟

يزيل لي اثار الغسول من الوجه ولو جففها الغسول بيرطبها لي 

ف تقريبا هو يعتبر كبلسم للبشرة يحافظ على نعومتها بعد التنظيف وتهدئتها والاحساس بالانتعاش 

التقشير :

كثيرة منتجات التقشير

شخصيا افضل التقشير بالمواد الطبيعية مثل ماسك :

 السكر البني - او العادي مع زيت الزيتون - والعسل 

وغيره من مواد التقشير زي الشوفان ,

 الاهم انك تعتمدين اللي يناسب بشرتك 

اذا خايفة بشرتك ممكن تتحسس من السكر العادي خذي السكر البني مثلاً , وهكذا 

العسل : معروف ينشط الدورة الدموية وممتاز كترطيب لها 

زيت الزيتون : مضاد لإلتهابات البشرة والبثور وينعم ملمس البشرة ويرطبها 

مقشرات سانت إيفنز جميلة برضو - بس حسب تجربتي المقشرات الطبيعية أفضل وآمن .

الترطيب : 

مهم بعد الغسول والتقشير حتى لو بشرتك دهنية مرة !

تحتاجين مرطب يوازن الدهون فيها 

افضل شي المرطبات :

الطبية لانها بدون روائح اللي ممكن مع الوقت تسبب اسمرار وحكة

ومشاكل ثانية لاسمح الله 

مدة روتين العناية :

التنظيف باستخدام الغسول بشكل يومي

التونر يومي

التقشير مرة كل اسبوع جدا كافي 

الترطيب بشكل يومي بعد التنظيف

*

نقطة مهمة : 

اذا ماكنتي تقشرين وترطبين وتهتمين ببشرتك بروتين مناسب : 

رح تعانين من مشاكل كثيرة :

مثل الجفاف , الرؤوس السوداء , وجه متقشر فالميك أب , او كثرة الافرازات الدهنية , أو عدم توحد اللون وسواد حولين الفم 

الا ماتعانين من مشكلة على حسب نوع بشرتك على المدى البعيد 

البوست اللي بعده مخصص للبشرة المختلطة والجافة والدهنية 

Skincare routine روتين العناية بالبشرة

1- نوعية البشرة 

شي مهم ومعروف نتعرف على نوعية بشراتنا ومن بعدها نختار منتجات العناية والتجميل المخصصة لها 

اربعة انواع  : ( دهنية - مختلطة - طبيعية أو عادية - جافة )

معرفة نوعية البشرة: 

لمعرفة نوع البشرة يتم غسل الوجه بالماء ثم يجفف جيدا ، وبعد مرور ساعة كاملة يتم وضع منديل ورقي على الوجه والضغط به على أربع نقاط من الوجه وهي الجبهة والخدين والانف والذقن ، ثم يتم فحص هذه المناطق الاربعة على المنديل ، حيث أن :-

- وجود اثار الدهون في كل قطعة من المناطق الاربعة على المنديل يدل على أن البشرة دهنية

- وجود آثار من الدهون في بعض المناطق يشير إلى البشرة مختلطة

- عدم وجود أثار من الدهون في المناطق الاربع يشير إلى أن البشرة عادية

- في حالة عدم وجود اثار الدهون في المناطق الاربع بينما يوجد اثار قشور بها فهذا يشير أن البشرة جافة

هذي الطريقة تقليدية وسهلة بإمكان الجميع يسويها 

ميك أب برونز ناتشورال و قلوي

طريقة عمل ميك أب برونز ناتشورال و قلوي = لامع خفيف وطبيعي  

كثير باليوتيوب مثل هالتايتل بس اخترت هالفيديو بالذات ؟

عجبتني رسمها لـ الآي براوز + والكونتور + وكل الاشياء اللي استخدمتها بيرفكت وخدمت اللوك بشكل جميل

لصقات إزالة الرؤوس السوداء

هالبوست بيكون عن لصقات الأنف كل النوعيات اللي جربتها والحيد والسيئ منها :

اللي عاليسار هالماركة من افضل  لصقات الانف اللي استخدمتها 

تشيل الروؤوس السوداء من قلب , ماااتخلي ولا راس من دون مبالغة 

والاحلى من كذا متوفرة بكل المحلات العادية وببعض الصيدليات 

سعرها برضو جميل 5 ريال بس 

لصقات نيفيا إزالة الرؤوس السوداء للانف والمناطق الدهنية 

كنت ادور على الاولة بس مالقيتها 

سألت الصيدلي وش افضل شي ؟ عطاني هذي 

طبعا مو حلوة ولا انصح فيها لسببين :

1- اذا حطيتيها شوي الا تحسين انها صارت زي الحصى على خشمك , مرررى قاسية تشيلين هم ألمها وقت الشيل

2- والأهم ماتشيل شيء يعني اشيلها اطالع اللصقة مافيها رؤوس سودا ولا  شي !

أحسن شي فيها ريحتها ليمون 

سعرها : فالعشرين 

اسوء المنتجات اللي عندي :(

قبل ما ابدأ بهالبوست فيه منتجات ظلم نطلق عليها سيئة لانها ممكن تكون بيرفكت لغيرنا , وكثير فيه منتجات تنذم هنا وهي شي اساس عندي بالميك أب

يعني ضروري نعرف نوعية بشرتنا بعدين نشوف تركيبة هالمنتج تناسبنا أو لااا !

اذا بشرتي دهنية يبغالي شي خاااااالي من الزيوت تماماً يعني مات -مطفي- يخفف او يمتص ويمنع افراز الدهون ببشرتي 

اذا جافة يبغالي شي تركيبته فيها ترطيب وزيت عشان يعطيني اشراقة ومنظر قلوي -لوك ديوي

ومن هالمنطلق مرح اقول هالمنتجات اللي بحطها سيئة وبس ! 

رح افرق لكل منتج بالسوء من ناحية ( سوء بالجودة أو + سوء اختياري أنا ) !

هذي المنتجات بصورة جماعية 

نجي للتنتيف : d

ممكن بعضكم لو يشوفه بيقول تستهبل هذي ! اتش دي ينحكى فيه !!

طبعا الغلط مني لاني اخترت شي تركيبته ماناسبت بشرتي 

هذا الاساس اخذته على انه مناسب للسهرات وملمسه ناعم والاهم شي فيه التغطية ,

كانت حلوة وممتازة بالتصوير بس فالحقيقة فاشل على بشرتي !

لانه خالي من الزيوت تماماً , ويناسب البشرات الدهنية فقط 

البرايمر الابيض اللي معه : يعطي تفتيح يمكن يغني عن الاساس ك استخدام يومي او طلعة عادية بس العيب فيه انه يتقشر ويعطي منظر جدا سيء على بشرتي 

فهذي النوعية مناسبة وبيرفكت للبشرات الدهنية فقط ! 

select spf 15 foundation mac

هالاساس كنت معتمدته ايام الجامعة بسبب لونه الطبيعي وخفته عالفيس 

العيب فيه : انه مات مطفي =  ويتقشر على بشرتي  لذلك فالمنتج غير مناسب لبشرتي المختلطة _جافة 

وماك عندهم حاليا مجموعة المنيراليزد المخصصة للبشرات الجافة وجربتها وناسبتني 

بتكلم عنها ببوست مفصل ان شاءالله

بودرة MAC STUDIO FIX

هالبودرة أسوء شي جربته في ماك 

كنت طالعة البر وابي تغطية سريعة ومابي فاونديشن يعني , حطيتها على وجهي قالوا لي وجهك أشهب ! مغبببببر  

فعرفت ان هالبودرة وهالنوعية بالذات -البودرة المضغوطة- مااااا تنفع  للي مثل بشرتي تبغالها أويل سكاين-بشرة دهنية

وحنا-ذوات البشرة الجافة أو المختلطة مانقدر نحط بادور يعني ؟

الا فيه نوعية بالباودر مصنوعة لنا وهي - اللوس بادور- او البودرة السائبة الحرّة 

تركيبتها أخف على بشراتنا وماهي ثقيلة نفس المضغوطة وتسحب الدهون من بشراتنا كلياً مما يعطيك نظرة باهتة !

جيل لاينر ماك الشهير Blacktrack

من مايعرفه ؟ ياكثر اللي باليوتيوب مايستخدمون الا اهو وياكثر مدحهم فيه !

ما أدري حقنا اللي فيه العلة والا وش السالفة  

منتج فااشل فاشل فاشل بمعنى الكلمة 

شريته جلس اقل من شهر وجف في علبته !

مافيه طريقة ماجربتها عشان هالمشكلة ولافيه فايدة 

يعني سواده فاحم وأكثر سواد من تبع ميبلين وكلينك وبوبي براون بس مو ليّن !

يارب محد يلومني على ذمي له ! بس الجد طفشني كثير ومستحيل ارجع اشتريه

كحل ريميل

 كنت ابي شي سريع بدال مشوار الجيل لاينر والفرشة 

خذت هذا على المدح بعد بس مع الاسف فاااشل !

يتقشر + و صعب فالاستخدام 

بيقمنت من نكس 

المنتج فاشل ليه ؟
 مافيه ثبات ,
 يتناثر 

مدري وش اقول عنه صراحة 
فاشل وبس 

بودرة البرونز الشوكلت الشهيرة من برجوا

هالمنتج فاشل لانه صعب ينحك زيه زي باقي البلشر اللي بالماركة !
مرة حابة درجته للكونتور ومناسبه بشرتي بس صعب ينحك

هذا شكله فالعلبة الكيوت  < خسارة عليه علبته 

بالزور حتى يطلع اللون 

كحلين ملونة لداخل العين 

كلها سيئة ماتثبت
واللون اصلا مايطلع براحة خصوصا تبع بدي شوب حق فور إيفر أشوى شوي  !

من اللي فينا ماتحب تجرب هالشغلات الرخيصة من محلات مو متخصصة بالميك اب وجالسة تجرب مثلنا 

هذا الشي من ضمنهم وسيء فالجودة مع مرتبة الشرف 

كله شيمر + اللون طاااير يدوب يطلع ويثبت وحالته صعبه مراا : D

مبرد للاظافر من بدي شوب 

قالي طرف يبرد وطرف ينعم وطرف مدري وش يسوي وكل الاطراف زي بعض 

غير كذا المبرد يتوصخ وصعب فالتنظيف 

مررة سيء وخسارة جدا 

best perfum

ودك بعطور عدلة وريحتها ثابته وتدوخ ؟ لاتبعدين عن واحد من هالثلاثة  

1 - برايفت كولكشن - استي لودر 

( ياسمين )

2- وود ميستيك - استي لودر 

( الريحة على عود )

3- لابريري - لايف ثريدس بلاتينيوم 

( ريحته ياسمين + خوخ + على ورد )

هذي من الروائح الساحرة اللي أعشقها بشكل مو طبيعي   

وبس $

منتجات ماتناسب نوعية بشرتي !

عندي تجربتين سيئة شوي والحمدلله على جميع الاحوال  بس ان شاءالله مايجي بحياتي أسوء منها $ !

حبيت افيد فيها غيري ممكن يغلط ويتعرض لنفس الشي )

التجربة الاولى كانت مع هذا المنتج :

شرائح فيت للوجه 

طبعا انا ولا مرة شلت وجهي لابشمع ولا فتله ولا اي شي -عدا حول الفم -

قدر الله علي وشريت هذي وشلت فيها كل وجهي 

العيوب :

كانت قوية عالوجه جدا وتألم مع انها مخصصة للبشرات الحساسة ,

وبقايا الغراء حقها مايروح بسهولة 

وسبب لي اثر واشكال تشويهية ملونة حول الانف والخد 

بس الحمدلله راحت مع الوقت - دلكتها بالعسل الطبيعي 

وتقشرت -

هذي الشرايح لها نتايج سيئة على المدى البعيد من تكثير وتطويل شعر الوجه

كثرت شعر وجهي وصار ملاحظ ! 

مستحيل ارجع اكرر التجربة  !

-

التجربة الثانية مع هذا المنتج :

صابونة البابايا + الكركم 

قبل كل شي نوعية بشرتي مختلطة + جافة
كنت ادور على شي يخفف من الدهون ببشرتي لان الجو كان رطوبة عااااالية وقتها وتضايقني الدهون بوجهي بسبب الجو

خذت هذي واستخدمتها لمدة اسبوعين 

ماوفقت فالاختيار ولا ناسبت بشرتي ابد تحسست منها بشكل فظيع ! 

مب معقول كم حببت بوجهي حبوب كبار وكثار ولها رؤوس بيضا !

بالخدين والجبهة والذقن -ولكم ان تتخيلوا النفسية مع هالحبوب المفاجئة 

فأنصح نفسي وأنصحكم ماتشترون اي شي وبس 

الا بعد القراءة او الاستفادة من اهل الخبرة ومافيه مانع نسأل عن المنتج ونبحث أكثر من مرة قبل نشتريه 

وخصوصا منتجات البشرة 

قلة الخبرة ببشرتنا ونوعيتها شي مو كويس ابد 
وممكن يسمتر ضرره على بشراتنا على مدى أطول 

شور جل ماركس آند سبنسر

هذا البوست بتكلم عن أفضل شاور جل استخدمته وهو :

مجموعة شاور جل من marks & spencer

مصنف فالموقع بالاكثر مبيعاً , وهو أفضل شاور جل دايم ارجع اشتريه 

الميزة فيه : الروائح مره منعشه وماتحسينها أوفر  رغوته كثيفة + روائحها ساحرة جدا بسرعه تعشقينها 

 من اكثر اللي يعجبني فيه كثير فيه نكهات غير هذي التوت البري + الخوخ + نعناع _ ليمون  وكثير كثير

كل مارحت المحل أكتشفت روائح جديدة وكلها جميلة تجنن 

السعر : فيه اختلاف بالاسعار الصغار ب 19  الكبار ب 25 

عموما اسعارهم معقولة وتستاهل كل ريال 

التقييم : 100 / 5  !

لو فيه أكثر من 100 قيمت 

My favorite shampoo

هالبوست ابي أتكلم عن شامبوي المفضل 

لي فترة طويلة طويلة جداً وانا أستخدمه آمممم يمكن من بعد شوال اللي فات يعني من ستة شهور 

وهو مجموعة اعادة بناء الشعر التالف 

مثالية لترطيب الشعر الجاف 

افضل شي فالمجموعة الماسك جدااا جميل 

يعني لو جربتيه مره بترجعين تاخذينه مرة وثنتين وثلاث 

الشامبو حقه فيه ميزة انه ينظف ويرطب على عكس الشامبوات اللي تكون مخصصة للترطيب 

يصير الترطيب فيها مركز كنها كريم أكثر من التنظيف 

بس هذا يجمع لك بين الاثنين  

مقتنيات تحسفت عليها

هالثلاثة حطيتهم تحت مسمى الـ Holdings bad ! -مقتنيات سيئة-

واكيد كل شخص واللي يعجبه يعني ممكن يكون بيرفكت بالنسبة لغيري بس انا بتكلم عن تجربتي 

عاليمين :

1- 

Rose 4 Reines Velvet Hand Cream

كريم هاند من لوكستيان فيه نسبه زبدة شيا , ريحته ورد

ترطيبه : وسط الى خفيف 

السعر : 100 تقريبا 

-ليش ماحبيته ؟ 

ماحب ريحة الورد كثير , ترطيبه مب عميق , سعره غالي بالمقارنة مع كمية المرة قليلة 

2- سيروم أو زيت للشعر من صانسيلك مجموعة اعادة بناء الشعر التالف 

انا خذته لأني أستخدم المجموعة من زمان وحبيت أطقم $

-ليش ماحبيته ؟ 

سواء كثرتي كميته أو قللتيها يزيت بالشعر وريحته عادية بس تزعجني احيان

والشي المهم بالموضوع إني مالاحظت فيه فرق أو ميزة !

3- بخاخ حماية الشعر من الاستشوار 

مكان الشراء : صيدلية بوتس 

السعر : 20يمكن 

-ماحبيته ليش ؟ 

يقسي الشعر أو بالاصحّ يخشّن الشعر , أتوقع في منتجات مخصصة لهالشي أفضل منه