منتجات ماتناسب نوعية بشرتي !

عندي تجربتين سيئة شوي والحمدلله على جميع الاحوال  بس ان شاءالله مايجي بحياتي أسوء منها $ !

حبيت افيد فيها غيري ممكن يغلط ويتعرض لنفس الشي )

التجربة الاولى كانت مع هذا المنتج :

شرائح فيت للوجه 

طبعا انا ولا مرة شلت وجهي لابشمع ولا فتله ولا اي شي -عدا حول الفم -

قدر الله علي وشريت هذي وشلت فيها كل وجهي 

العيوب :

كانت قوية عالوجه جدا وتألم مع انها مخصصة للبشرات الحساسة ,

وبقايا الغراء حقها مايروح بسهولة 

وسبب لي اثر واشكال تشويهية ملونة حول الانف والخد 

بس الحمدلله راحت مع الوقت - دلكتها بالعسل الطبيعي 

وتقشرت -

هذي الشرايح لها نتايج سيئة على المدى البعيد من تكثير وتطويل شعر الوجه

كثرت شعر وجهي وصار ملاحظ ! 

مستحيل ارجع اكرر التجربة  !

-

التجربة الثانية مع هذا المنتج :

صابونة البابايا + الكركم 

قبل كل شي نوعية بشرتي مختلطة + جافة
كنت ادور على شي يخفف من الدهون ببشرتي لان الجو كان رطوبة عااااالية وقتها وتضايقني الدهون بوجهي بسبب الجو

خذت هذي واستخدمتها لمدة اسبوعين 

ماوفقت فالاختيار ولا ناسبت بشرتي ابد تحسست منها بشكل فظيع ! 

مب معقول كم حببت بوجهي حبوب كبار وكثار ولها رؤوس بيضا !

بالخدين والجبهة والذقن -ولكم ان تتخيلوا النفسية مع هالحبوب المفاجئة 

فأنصح نفسي وأنصحكم ماتشترون اي شي وبس 

الا بعد القراءة او الاستفادة من اهل الخبرة ومافيه مانع نسأل عن المنتج ونبحث أكثر من مرة قبل نشتريه 

وخصوصا منتجات البشرة 

قلة الخبرة ببشرتنا ونوعيتها شي مو كويس ابد 
وممكن يسمتر ضرره على بشراتنا على مدى أطول