Highlight & Contour

أهلين كيف الجميلات , زمان عن المدونة

هالبوست ان شاءالله بتكلم عن تجاربي الشخصية ف الإضاءة و الكونتور

طبعا أغلبنا تعرف وش الهايلات والكونتور :

الاول : نستخدمه عشان نبرز ملامح الوجه

الثاني : العكس عشان نخفي أو نحدد ملامح الوجه ونعطيه الشكل المناسب

أي ميك أب بدون وجود هايلايت أو كونتور مايجمل مع الاسف حتى لو كان ميك أب لطلعة عادية

مو شرط أستخدم هالشيئين اذا بثقل الميك أب

طيب خلوني أول شي أتكلم عن منتجاتي اللي استخدمتها لهالغرض و بالتفصيل  :

ببدأ ب MAC :

الاولى : : Soft and Gentle Mineralize

 إضاءة أو هايلايت اسمها سوفت آند جنتل

طبعا الاضاءة باودر معدنيه من عائلة المنيرلايز اللي تركبيتها خفيفة وفيها مواد 

معالجة للبشرة ومضاده للأكسده ومصنعه بشكل خاص

لها درجات كثيرررررة بماك والاختيار طبعا حسب الدرجة القريبة من بشرتك

الاضاءة هذي خذتها ليه ؟

 لأن تركبيتها خفيفة ولونها خفيف ناااعم-

تنحط على عظمة الخد - فوق البلشر - وعالانف والشفة العلوية ( تتش بسيط )

سواتش لها : 

 رايي الشخصي لها : 

أمانة / قبل اشتريها كنت أحس أني بحتاجها كثير , لما اشتريتها ماتحمست لها ليش ؟ 

مو لأني تحسفت لأ ماوصلت لهالدرجة معها بس حسيت أن وجودها مو مهم كثير كبودرة وخاصة أن عندي اضاءات كريمية أفضلها 

وانا أحب الكريمي بالميك اب أكثر من الاشياء الباودر 

فصرت استخدم الاضاءة الكريمية بعدين اثبتها بشوية شووووية من هذي كمية بسيطة يعني حولين عظمة الخد وفوق البلشر - للسهرات-

فهي حلوة بس ما تكثرين منها راح تبين مسامك , وحاسة أنها بتطول عندي واذا خلصت مرح اشتريها ثاني 

الهايلايت الثاني من MAC  :

كلر بيس - درجتها بيرل -

 إضاءة كريمية تنحط بأماكن الاضاءة بالوجه فوق عظمة الخد + فوق الشفة العلوية + الانف + بوسط الجبين + مدمع العين

مميزاتها :

لو هذاك اليوم حسيتي وجهك باهت ودك يبين مشرق  أكثر وفيه صحة ونضارة 

أنصحك فيه بقوة تنحط باليد طبطبه - تدمجينها شوي بفرشة الفاونديشن ع اساس

 تندمج ولاتبين مو مرتبه ممتازة جدا ما اقدر استغني عنها

سواتش لها : 

الهايلايت الاخير من MAC : 

قلم هايلايت إضاءة سائله على شكل عصار لونها جاي أصفر وفيها لونين ثانيه بس 

هذا اللي يناسب بشرتي طبعا هو نفس وظيفة السوفت آند جنتل -الاضاءة اللي فوق-

هذا جدا جميل وتقريبا استبدل البيرل به , ويستخدم اكثر شي ك اضاءة فوق الكونسيلر نفسه اذا انتي تحبين هالمنطقة منوّرة مثل كيم كارديشيان 

* طيب قبل اجي للهايلايت الباقية بقولكم شي : 

الحين عندي كل انواع الاضاءة العصار والبودرة والكريمية ممكن تقولون ليش كل هذا ؟

كل واحد وله لوك معين يعني السوفت جنتل استخدمها اكثر شي لما اكون حاطه اساس برونز لأن الدرجة قريبة من البرونز 

برضو مو شرط استخدمها بنفس الاماكن مثل ماقلت البيرل استخدمه احيان ك بيس لللشدو

أفضل شي فيهم أو وش اللي أحس انه مهم-مع انها مهمه كلها بالنسبة لي - ولو 

يخلص بشتريه ؟

الكلر بيس

وطبعا كلها على حسب اللي تحبينه انتي او اللي ترتاحين له ويناسبك ميولك بالهايلايت :

 اذا تحبين السايل مرة او البودرة اذا بشرتك دهنية يعني 

وكلها جميلات 

نكمل $

-

هايلايتر من ماركة  N7

منه درجتين جاي على شكل عصار

كنت متحمسة له قبل أشتريه , بس ماحسيت أنه مناسب للفيس لانه يبين المسام نوعاً ما

صرت استخدمه للجسم بالسهرات ويعطيني نتيجة حلوة

مثل ماتشوفون سايلة و تندمج  بسرعة عالبشرة وبرأيي الشخصي ماتنفع للفيس 

لأن فيها بادئل أخف وأحلى منها 

- 

اللي بعدها إضاءة من فور إيفر - اسمها ستار باودر ومعها برضو اليسار -دايموند- من نفس الماركة وكلهم هايلات 

لازم تعرفون أن هالثنتين أوفر شوي بما إنها بودرة يعني تنفع لسهرات أكثر وجايه على ذهبي مو نفس الصورة

الكمية تاخذين قليل واستخداماتها متعددة تحت الحواجب أو ك آيشدو لأنها قلتر أكثر من أنها مجرد اضاءة وخصوصا اللي عاليسار

هالثنتين احسها ضرورية كثير بالنسبة لي فالمناسبات والاعراس فقط , يعني مستحيل تخدمك بطلة عادية رح تبين أوفر زي ماقلت

نجي للكونتور اللي استخدمهم  : 

اول شي الكونتور او البرونز الاثنين من بنفت : 

اليمين : بودرة برونزية درجته فاتحة شوي بس مناسب لبشرتي وجميل لتحديد الوجه -طبعا الفش حقته مات - وهذا اهم شي بمسألة الكونتور 

الثانية : كريمية وجميلة للنحت بشكل أحترافي يعني لو مااندمجت كويس مرح يبين جميل لأن قوامها كريمي جدا 

وشخصيا أفضلها على الاضاءة اللي قبل 

الكونتور من MAC :

جميل جميل جدا مثل ماتشوفون متحفر $ 

فيه شوي شيمر غير عن البرونز الباقية بس مو أوفر الشيمر اللي فيه مقبول 

الكونتور من برجوا : 

هذا البروداكت الفنش تبعه جميل جدا وحبيته بس عيبه ماينحك بالراحة 

وممكن تكرهينه , افكر ادقه وبحطه بعلبة ثانية لأنه طفشني كثير وصرت أرميه بالدرج 

آخر كونتور بهالبوست : 

الدرجة الخامسة من باليت نيكد 1 : 
BUCK 

هالدرجة جميلة لتحديد الانف وبرضو لتحديد كسرة العين نفسها 
اللون حلو يعطي كونتور طبيعي 
شخصيا استخدمه لتحديد الوجه ككل مع فرشاة صغيرة ودقيقة 

اهم شي فالكونتور :

- يكون على بني رمادي مايكون جايك على أورانج 
ع اساس يعطيك شكل طبيعي البرونز الاورانج براي طلة مزعجة جدا وغلط ×

- يحتاج دقة ودمج صح عشان لايطلع مبقع أو أوفر 

- ضروري تعرفين النحت المناسب لوجهك 

..

هذي شوية صور لكونتور وهايلاتر  برايي أنه بيرفكت جدا ومناسبة لشكل الوجه : 

فيديوز برضو أحس الشغل فيه جدا بيرفكت  : 

 وصلوا عن الدقيقة 12

وبس <$

- اسماء البرونز والمنتجات بدرجاتها كلها واضحة -

- أي أسئلة حابين اسئلوني بالآسك : 

http://ask.fm/adDax

- ( الفاونديشن + الباودر ) المناسب لك ؟

صباحكم جميييل

 من زمااااااااان ماكتبت هنااا 

البوست السابق كان عن البرايمر المناسب لكل بشرة هذا بيكون عن الفاونديشن ان شاءالله 

بأكتب عن كل فاونديشن جربته فقط مافيه ولاشي ماجربته وممكن أتكلم عنه 

نبدأ :

 MAKE  UP FOR EVER HD

 للبشرة : الدهنية 

التغطية : فل كفرج 

- مايناسب غير البشرة الدهنية لأنه أويل فري -

اللي بعده 

LANCOME TEINT MIRACLE 

للبشرة : االمختلطة بكل انواعها 

التغطية : وسط , 

- الاساس طبيعي وخفيف وجميل جداً لو استخدمتي قبله البرايمر اللي سبق وتكلمته عنه من نفس الماركة -

MAC  SELECT 

للبشرة : دهنية و المختلطة الى دهنية 

التغطية : خفيفة -مناسب جدا للصباح الدوامات والجامعه لانه خفيف مو كنك حاطة شي 

مايناسبك لو كانت بشرتك جافة رح يتقشر 

- اللي بعده :

يمين - : MINERALIZE SATINFINISH 

للبشرة : الجافة + المختلطة الى جافة 

التغطية : وسط 

- رطب عالفيس يعطيك ديوي + قلوي لوك وطلة مشرقة , مثاااالي جدا هالاساس 

الثاني : STUDIO FIX FLUID

للبشرة : المختلطة بكل أنواعها 

التغطية : وسط 

-لاهو ديوي لوك ولا مات وسط - حبيته لانه كذا احيان لما تطلعين الصبح أو بالحر ماودك بفاونديشن يسيح هذا جدا مناسب -

CLINIQUE even better 

للبشرة : الجافة + المختلطة الى جافة + للبشرة حساسة 

التغطية : فل كفرج 

- النتيجة ديوي لوك وممتاز جدا للبشرة كمعالج للبقع ولو كان عندك حبوب -

 

STUDIO TECH

الاساس المضغوط 

للبشرة : المختلطة الى دهنيه - تركيبته كريميه 

التغطية : مات فنش 

الاساس الكريمي من : benefit

للبشرة : المختلطة + الجافة 

التغطية : ميديم كفرج 

اللوك العام - بين الديوي والمات - بيرفكت جدا 

خلصت من الاساس نجي

للباودر : 

انا مو كثير استخدمها بس اذا اضطريت لها 

اليمين : STUDIO FIX 

للبشرة : الدهنية فقط - زكل البودرات المضغوطة مخصصة للبشرة الدهنية 

التغطية : فل كفرج 

اليسار :

البودرة حرة - سائبة- من  MAC

للبشرة : هالنوعية مخصصة للبشرات الجافة 

 التغطية : خفيفة

, 

آخر شي بتكلم عنه فهالبوست :

 الكونسيلر 

استخدمت ماركات ثانيه زي لانكوم وفور ايفر بس ماعجبني غير  MAC ومشيت عليه

STUDIO SCULPT 

هالنوعية فيه ناس تمدحها وناس تذمها كثير 

وهي لو ماستخدمتيها صح بتحطين لها عيوب : الخطوط وكريمي مرة 

اللي لازم نعرفه قبل كل شي عن هالنوعية من الكونسيلر :

تركيبته طبعا : كريميه ثقيل نوعا ما 

يعن يتاخينه اذا كانت هالاتك تبي تغطيه وواضحه مرة 

طريقته : طبطبه وتاخذين كمية مرة قليلة وتوزعينها كويس يا باليد او بالبيوتي بلندر او بأي فرشة للكونسيلر 

يحتاج تثبتيه بشوي شوي مرةةة - باودر عشان لايطلع لك خطوط 

لو خذتي كمية كبيرة او ماتسخدمتيه بالطريقة الصح بتطلع لك عيوب ومرح تحبينه 

النوعية الثانيه برضو من : MAC 

هالنوعية تغطيتها تقريبا متوسطة الى خفيفة تنفع للهالات اللي مو أوفر 

تركيبته : سايل مثل القلوس 

أحب احطه بالنهار مايحسسني اني حاطة شي ثقيل 

,

 اخر شي

 ال TOP بالنسبة لي :

1- CLINIQUE even better  

مرة مناسبني هالفترة بيرفكت جدا جدا وبشرتي فيها اثار حبوب

وصايرة حساسة نوعا ما وهالاساس مرة يجنن يعطي بشرتي منظر صحي 

2- 

   MAC MINERALIZE SATINFINISH

احب الاساس اللي يرطب ويعطيني ديوي لوك 

أحب احطه لو كنت بصور يبين البشرة صاااافية كنها قزاز <

3- 

الاساس الكريمي من : benefit

لما اشتريته اخترت الدرجة اللي اذا حطيتها كأنك مسوية تان

هو يجي منه 3 درجات وهذي المتوسطة : deep

بالنهار يطلع شي جمييل لانه غامق نوعا ما واحطه اذا ابي لوك تان 

4- 

 STUDIO FIX FLUID 

من MAC

هالاساس : حابته جدا لانه زي ماقلت فوق جاي وسط 

لا يرطب ولاينشف مرة  

وينفع بالحر أكثر لانه مايسيح 

5- والاخير 

LANCOME TEINT MIRACLE 

اساسات لانكوم بشكل عام تميزها التغطية وتعالج لك عيوب البشرة تغطيها تخفيها 

مناسب للمناسبات 

باقي الاساسات ما افضلها كثير ماناسبتني اشتريتها وخليتها على جنب 

مثل اتش دي و اساس ماك المضغوط وباقي اللي ماذكرتهم بالتوب 

وبس انا كذا خلصت , 

لو ودكم تسألون عن شي معين عندكم 

http://ask.fm/adDax

البوست الجاي ان شاءالله بتكلم عن الاضاءات + مفضلاتي لشهر مارس 

البرايمر - البيس المناسب لك ؟ ( ما قبل الفاونديشن )

البرايمر أو البيس :

وظيفته ينحط قبل الميك أب عشان :

1- يهيئ البشرة قبل الفاونديشن

2-  ويكوّن طبقة حماية للبشرة 

 3- من وظايفه بعد يخفف الخطوط بالوجه

4-  ويثبت الميك أب لفترة أطول 

5- بالاضافة لتنعيمه للبشرة 

6- وتسهيل عملية توزيع الفاونديشن

..

البيس  مثله مثل الفاونديشن لكل بشرة نوع مخصص لها 

بهالبوست بحط كل انواع البيس المناسبة لكل بشرة ان شاءالله 

الاول عاليمين : LA BASE من LANCOME 

هالبيس تقريبا مناسب لجميع أنواع البشرة 

ملمسه جميل جدا و مخملي 

ناعم جدا عالبشرة ويسهل توزيع الميك اب بشكل جميل جدا 

,

الثاني : STROBE CREAM من MAC 

هالكريم يستخدم ك بيس للبشرة وممكن تحطينه لحاله

مخصص للبشرات الجافة أو المختلطة إلى جافة 

برضو لما تحطينه بعد كريم الاساس بيعطيك إيفكت جميل وجهك مشرق ومضيء =ديوي لوك 

يعطيك نظرة و نضارة 

من أفضل البرايمر اللي أستخدمتها وارجع اشتريه كل ماخلص

,

الثالث :   MACE UP FOR EVER HD من فور إيفر

البرايمر هذا -الابيض - واحد من أنواع كثيرة موجودة بفور إيفر 

طبعا اللي يكون ( اويل فري )  يكون مخصص للبشره الدهنيه 

وهالبرايمر هذا مخصص للبشرة الدهنية او المختلطة إلى دهنية 

يعطيك تفتيح جميل لو حطيتيه لحاله ينفع برضو 

مثالي وجميل جدا للبشرات الدهنية 

الانواع الثانية فيها ألوان وفيه الشفاف وكل واحد يعالج يعالج مشكلة معينة مثل : الاحمرار - البقع وغيرها 

الشفاف تقريبا يناسب كل البشرات عدا اللي فيها جفاف واضح 

,

الرابع والأخير : the PORE fessional من بنفت 

هالبيس مميز جدا ومو مثل اللي فوق 

مخصص للبشرات الدهنية أكثر لانه يقفل المسام ويقلل الخطوط بالوجه ويطول من ثبات الميك اب ل 8 ساعات تقريبا

بس من واقع تجربتي اشوفه مناسب لكل انواع البشرة

تحطينه على شكل نقط بأماكن المسام

الانف وحولين الانف والخد والجبين بحركات دائرية الى ان تلاحظين ان مسامك تقفلت

تقريبا يشكل لك طبقة شمعية خفيفة على الوجه مما يعطي البشرة حماية من اضرار الفاونديشن وملمس سلس ومخملي

,

آخر شي :

هالبرايمر كل واحد مخصص لبشرة معينة 

التوب فيهم بالنسبة لي : 

1- ستروب كريم من ماك 

2- ذ بروفيشنال من بنفت 

3- بيس لانكوم 

4- برايمر فور ايفر اتش دي

البوست اللي الجاي للفاونديشن بإذن الله