البرايمر أو البيس :
وظيفته ينحط قبل الميك أب عشان :
1- يهيئ البشرة قبل الفاونديشن
2- ويكوّن طبقة حماية للبشرة
3- من وظايفه بعد يخفف الخطوط بالوجه
4- ويثبت الميك أب لفترة أطول
5- بالاضافة لتنعيمه للبشرة
6- وتسهيل عملية توزيع الفاونديشن
..
البيس مثله مثل الفاونديشن لكل بشرة نوع مخصص لها
بهالبوست بحط كل انواع البيس المناسبة لكل بشرة ان شاءالله
الاول عاليمين : LA BASE من LANCOME
هالبيس تقريبا مناسب لجميع أنواع البشرة
ملمسه جميل جدا و مخملي
ناعم جدا عالبشرة ويسهل توزيع الميك اب بشكل جميل جدا
,
الثاني : STROBE CREAM من MAC
هالكريم يستخدم ك بيس للبشرة وممكن تحطينه لحاله
مخصص للبشرات الجافة أو المختلطة إلى جافة
برضو لما تحطينه بعد كريم الاساس بيعطيك إيفكت جميل وجهك مشرق ومضيء =ديوي لوك
يعطيك نظرة و نضارة
من أفضل البرايمر اللي أستخدمتها وارجع اشتريه كل ماخلص
,
الثالث : MACE UP FOR EVER HD من فور إيفر
البرايمر هذا -الابيض - واحد من أنواع كثيرة موجودة بفور إيفر
طبعا اللي يكون ( اويل فري ) يكون مخصص للبشره الدهنيه
وهالبرايمر هذا مخصص للبشرة الدهنية او المختلطة إلى دهنية
يعطيك تفتيح جميل لو حطيتيه لحاله ينفع برضو
مثالي وجميل جدا للبشرات الدهنية
الانواع الثانية فيها ألوان وفيه الشفاف وكل واحد يعالج يعالج مشكلة معينة مثل : الاحمرار - البقع وغيرها
الشفاف تقريبا يناسب كل البشرات عدا اللي فيها جفاف واضح
,
الرابع والأخير : the PORE fessional من بنفت
هالبيس مميز جدا ومو مثل اللي فوق
مخصص للبشرات الدهنية أكثر لانه يقفل المسام ويقلل الخطوط بالوجه ويطول من ثبات الميك اب ل 8 ساعات تقريبا
بس من واقع تجربتي اشوفه مناسب لكل انواع البشرة
تحطينه على شكل نقط بأماكن المسام
الانف وحولين الانف والخد والجبين بحركات دائرية الى ان تلاحظين ان مسامك تقفلت
تقريبا يشكل لك طبقة شمعية خفيفة على الوجه مما يعطي البشرة حماية من اضرار الفاونديشن وملمس سلس ومخملي
,
آخر شي :
هالبرايمر كل واحد مخصص لبشرة معينة
التوب فيهم بالنسبة لي :
1- ستروب كريم من ماك
2- ذ بروفيشنال من بنفت
3- بيس لانكوم
4- برايمر فور ايفر اتش دي
البوست اللي الجاي للفاونديشن بإذن الله
ليست هناك تعليقات:
إرسال تعليق