- ( الفاونديشن + الباودر ) المناسب لك ؟

صباحكم جميييل

 من زمااااااااان ماكتبت هنااا 

البوست السابق كان عن البرايمر المناسب لكل بشرة هذا بيكون عن الفاونديشن ان شاءالله 

بأكتب عن كل فاونديشن جربته فقط مافيه ولاشي ماجربته وممكن أتكلم عنه 

نبدأ :

 MAKE  UP FOR EVER HD

 للبشرة : الدهنية 

التغطية : فل كفرج 

- مايناسب غير البشرة الدهنية لأنه أويل فري -

اللي بعده 

LANCOME TEINT MIRACLE 

للبشرة : االمختلطة بكل انواعها 

التغطية : وسط , 

- الاساس طبيعي وخفيف وجميل جداً لو استخدمتي قبله البرايمر اللي سبق وتكلمته عنه من نفس الماركة -

MAC  SELECT 

للبشرة : دهنية و المختلطة الى دهنية 

التغطية : خفيفة -مناسب جدا للصباح الدوامات والجامعه لانه خفيف مو كنك حاطة شي 

مايناسبك لو كانت بشرتك جافة رح يتقشر 

- اللي بعده :

يمين - : MINERALIZE SATINFINISH 

للبشرة : الجافة + المختلطة الى جافة 

التغطية : وسط 

- رطب عالفيس يعطيك ديوي + قلوي لوك وطلة مشرقة , مثاااالي جدا هالاساس 

الثاني : STUDIO FIX FLUID

للبشرة : المختلطة بكل أنواعها 

التغطية : وسط 

-لاهو ديوي لوك ولا مات وسط - حبيته لانه كذا احيان لما تطلعين الصبح أو بالحر ماودك بفاونديشن يسيح هذا جدا مناسب -

CLINIQUE even better 

للبشرة : الجافة + المختلطة الى جافة + للبشرة حساسة 

التغطية : فل كفرج 

- النتيجة ديوي لوك وممتاز جدا للبشرة كمعالج للبقع ولو كان عندك حبوب -

 

STUDIO TECH

الاساس المضغوط 

للبشرة : المختلطة الى دهنيه - تركيبته كريميه 

التغطية : مات فنش 

الاساس الكريمي من : benefit

للبشرة : المختلطة + الجافة 

التغطية : ميديم كفرج 

اللوك العام - بين الديوي والمات - بيرفكت جدا 

خلصت من الاساس نجي

للباودر : 

انا مو كثير استخدمها بس اذا اضطريت لها 

اليمين : STUDIO FIX 

للبشرة : الدهنية فقط - زكل البودرات المضغوطة مخصصة للبشرة الدهنية 

التغطية : فل كفرج 

اليسار :

البودرة حرة - سائبة- من  MAC

للبشرة : هالنوعية مخصصة للبشرات الجافة 

 التغطية : خفيفة

, 

آخر شي بتكلم عنه فهالبوست :

 الكونسيلر 

استخدمت ماركات ثانيه زي لانكوم وفور ايفر بس ماعجبني غير  MAC ومشيت عليه

STUDIO SCULPT 

هالنوعية فيه ناس تمدحها وناس تذمها كثير 

وهي لو ماستخدمتيها صح بتحطين لها عيوب : الخطوط وكريمي مرة 

اللي لازم نعرفه قبل كل شي عن هالنوعية من الكونسيلر :

تركيبته طبعا : كريميه ثقيل نوعا ما 

يعن يتاخينه اذا كانت هالاتك تبي تغطيه وواضحه مرة 

طريقته : طبطبه وتاخذين كمية مرة قليلة وتوزعينها كويس يا باليد او بالبيوتي بلندر او بأي فرشة للكونسيلر 

يحتاج تثبتيه بشوي شوي مرةةة - باودر عشان لايطلع لك خطوط 

لو خذتي كمية كبيرة او ماتسخدمتيه بالطريقة الصح بتطلع لك عيوب ومرح تحبينه 

النوعية الثانيه برضو من : MAC 

هالنوعية تغطيتها تقريبا متوسطة الى خفيفة تنفع للهالات اللي مو أوفر 

تركيبته : سايل مثل القلوس 

أحب احطه بالنهار مايحسسني اني حاطة شي ثقيل 

,

 اخر شي

 ال TOP بالنسبة لي :

1- CLINIQUE even better  

مرة مناسبني هالفترة بيرفكت جدا جدا وبشرتي فيها اثار حبوب

وصايرة حساسة نوعا ما وهالاساس مرة يجنن يعطي بشرتي منظر صحي 

2- 

   MAC MINERALIZE SATINFINISH

احب الاساس اللي يرطب ويعطيني ديوي لوك 

أحب احطه لو كنت بصور يبين البشرة صاااافية كنها قزاز <

3- 

الاساس الكريمي من : benefit

لما اشتريته اخترت الدرجة اللي اذا حطيتها كأنك مسوية تان

هو يجي منه 3 درجات وهذي المتوسطة : deep

بالنهار يطلع شي جمييل لانه غامق نوعا ما واحطه اذا ابي لوك تان 

4- 

 STUDIO FIX FLUID 

من MAC

هالاساس : حابته جدا لانه زي ماقلت فوق جاي وسط 

لا يرطب ولاينشف مرة  

وينفع بالحر أكثر لانه مايسيح 

5- والاخير 

LANCOME TEINT MIRACLE 

اساسات لانكوم بشكل عام تميزها التغطية وتعالج لك عيوب البشرة تغطيها تخفيها 

مناسب للمناسبات 

باقي الاساسات ما افضلها كثير ماناسبتني اشتريتها وخليتها على جنب 

مثل اتش دي و اساس ماك المضغوط وباقي اللي ماذكرتهم بالتوب 

وبس انا كذا خلصت , 

لو ودكم تسألون عن شي معين عندكم 

http://ask.fm/adDax

البوست الجاي ان شاءالله بتكلم عن الاضاءات + مفضلاتي لشهر مارس